Жаңа полипропилен маркалары: Қазақстанның шикізаттық тәуелсіздігіне маңызды қадам

• Жаңалықтар мен оқиғалар

Бұрын импортталған PP H031 BF/7, PP H253 FF/7, PP H350 FF/7, PP H270 FF/7 полипропилен маркаларының өндірісі Қазақстанның полимер саласы үшін маңызды оқиғаға айналды. Енді бұл маркалар отандық полимер бұйымдарын өндірушілерге қолжетімді, бұл импортқа тәуелділікті азайтып, отандық өнеркәсіп салаларын дамытуға ықпал етеді.

Жаңа полипропилен маркалары кеңінен қолданылады:

- қаптама жапсырмалар және скотч,
- кеңсе тауарлары,
- тұрмыстық техника.

Бұл маркалар сондай-ақ агротекстиль, жабын материалдары, құрылыс геосинтетикасы (мысалы, жол құрылысына арналған геоторлар) және гидроизоляция сияқты тоқыма емес материалдар мен талшықтарды өндіруде қолданылады. Сонымен қатар, олардан спорттық киімдер, жеке гигиена құралдары, медициналық қорғаныш маскалары мен халаттар, дастархан мен бір реттік майлықтар, кілемдер, орау материалдары, ортопедиялық матрастар, қақпақтар, жұмсақ жиһаз, автокөлік фильтрлері, шаңсорғыш фильтрлері, респираторлар, сөмкелер және корпустар жасалады.

Отандық өндірістің іске қосылуы полимер бұйымдарын өндірушілер үшін бірнеше маңызды артықшылықтарды ұсынады:

- Шығындарды үнемдеу: Жергілікті өндірістің болуы полимерлердің қолжетімділігін арттырады және көлік пен логистика шығындарын азайтады, бұл дайын өнім өндірушілердің экономикасына оң әсер етеді.
  
- Жеткізудің тұрақтылығы: Халықаралық жеткізілімдердегі ықтимал үзілістерге байланысты тәуекелдер азаяды.

- Өңдеушілерді қолдау бағдарламалары: KPI форсаж бағдарламасы аясында клиенттерге полипропилен жеткізу үшін арнайы коммерциялық шарттар ұсынады. Бұл отандық дайын өнім өндірушілерінің импортты алмастыратын өнімдерді шығаруда және экспорттық сатылымдарды дамытуда бәсекеге қабілетті болуына мүмкіндік береді.

Жаңа полипропилен маркаларының өндірісі Қазақстанның өнеркәсіптік әлеуетін нығайту, шикізаттық тәуелсіздігін қамтамасыз ету жолында маңызды қадам болып табылады. Жаңа маркалар ішкі сұранысты қанағаттандырып қана қоймай, сондай-ақ елдің полимерлер нарығындағы позициясын жақсартып, шикізаттық емес экспортты дамытады.