КРІ компаниясының екі жылдығына арналған Спартакиада басталды

• Жаңалықтар мен оқиғалар

КРІ ЖШС қызметкерлері мен серіктестері арасында зауыттың іске қосылғанына 2 жыл толуын атап өту мақсатында ұйымдастырылған Спартакиаданың ашылу салтанаты өтті. Бұл шарада кәсіпорын ұжымы мен серіктес командалар спорттық рухты көтеріп, денсаулықты нығайту үшін бір аренада бас қосты.

Спорттық жарыста 12 команда бақ сынап жатыр. Олар:  PDH, РР, ОЗХ өндірістері, СХП, РХГП, корпоративтік орталық, зауытты басқару, сондай-ақ серіктес компаниялар — SGS, KUS, NKS, Air Liguide Munay Tech Gases және Семсер Өрт сөндіруші бар. Ашылу салтанатында КРІ компаниясының аппарат басшысы Роллан Сәрсенбек ұжымды зауыттың іске қосылғанына 2 жыл толуымен  құттықтап, жарысқа қатысушыларға сәттілік тіледі.

Қатысушылар 8 спорт түрінен бақ сынайды. Ол киберспорт, волейбол, үстел теннисі, мини-футбол, боулинг, жүзу, армрестлинг және баскетбол. Бүгін мини-футбол мен баскетболдан топтық ойындар өтеді.

Киберспорт (Counter Strike Global Offensive) сайысында 12 команда өз күшін сынап, нәтижесінде NKS командасы бірінші орынды, KUS екінші орынды, ал PDH үшінші орынды иеленді.

Спартакиаданың ең қызықты сәттерінен хабардар болу үшін КРІ-дің ресми әлеуметтік желідегі парақшаларын қадағалаңыз!