Балалар марапатталды

• Жаңалықтар мен оқиғалар

“KPI Inc.” газ-химия кешені қызметкерлерге ғана емес, олардың отбасы мен балаларына да ерекше көңіл бөледі. Зауыттың ресми іске қосылғанына 1 жыл толуына орай, 23 қазан мен 6 қараша аралығында қызметкерлер балалары арасында  “Атырау — арман қала” сурет байқауы ұйымдастырылған еді. Мектепке дейінгі, 6 мен 10 жас, 11 мен 15 жас аралығындағы 3 топқа бөлінген, 59 бала қаламыздың жылдың төрт мезгіліндегі бейнесін қағаз бетіне түсірді. Жеңімпаздар ұжымның онлайн дауыс беру арқылы анықталып, 5 қараша балаларды марапаттау рәсімі өтті.

Балаларды Атырау қаласы әкімінің орынбасары Нұржан Ермуханов, аппарат басшысы Роллан Сәрсенбек, Кәсіподақ ұйымының төрағасы Абдулла Габбасов, Karabatan Utility Solutions ЖШС-нің басқарушы директоры Каликов Руслан  құттықтады.

-Былтыр еліміз үшін маңызды жоба — полипропилен өндіретін кешен іске қосылып еді. Бір жылдықтарыңыз құтты болсын! Өсіп-өне беріңіздер. Балаларға арнап ұйымдастырып жатқан осындай әдемі шараларыңыз жалғасын таба берсін,-деді Атырау қаласы әкімінің орынбасары Нұржан Ермуханов.

Жас ерекшеліктерінің үш санаты бойынша анықталған жеңімпаздардан бөлек, 4 номинация үздік туынды иелері де марапатталды.

Өзіндік ерекшелігі үшін — Назира Бекмуратова.
Бояулардың қанықтығы мен қызықты техникалық шешімі үшін — Алуа Нургалиева.
Шығармашылық шешімі үшін — Айкөркем Азиз.
Қызықты графикалық шешімі үшін — Санжар Сүлейман.

Милана Уалиева:

-Менің анам КРІ-да жұмыс істейді. Жазда лагерьге бардық. Жаңа жылда тәттілер сыйлайды. Суретімде Атыраудың әдемі кезеңін салып, 1-орын алдым. Маған КРІ ұнайды. Рахмет.

Мектепке дейінгі балалар санатында:

ІІІ орын 3 место - Табылдиева Аянат;
ІІ орын 2 место – Кайыржанова Азиза;
І орын 1 место – Нұрболатұлы Нұрқанат

6-10 жасқа дейінгі балалар санатында:

III орын 3 место - Смағұл Амира;
ІІІ орын 3 место - Жайлыбай Мустафа;
ІІ орын 2 место – Ангельчев Николай;  
І орын 1 место – Әлібек Радмир

11-15 жас аралығындағы балалар санатында:

III орын - Жайлыбай Имамали;
ІІ орын – Сайын Арайлым  ;  
І орын  – Уалиева Милана

Жеңімпаздар мен қатысушыларға естелік сыйлықтар табысталады. Сондай-ақ, ең үздік 12 сурет компанияның 2024 жылғы күнтүзбесіне жарияланады.

КРІ — қызметкерлердің әлеуметтік жағдайын жақсартып, оларға қолдау көрсету мақсатында түрлі жоба іске асырып келе жатқан компания.