KPI Atyrau Oil & Gas 2026 көрмесіне қатысты

• Жаңалықтар мен оқиғалар

Атырау қаласында мұнай-газ саласындағы Қазақстанның жетекші салалық алаңдарының бірі саналатын 23-ші Солтүстік Каспий өңірлік Atyrau Oil & Gas 2026 көрмесі өтуде.

Көрме аясында KPI басшылығы іс-шараның ашылу салтанатына қатысып, мұнай-газ химиясы саласын дамыту, заманауи технологияларды енгізу және кәсіпорындар арасындағы өзара іс-қимылды нығайту мәселелері талқыланған пленарлық сессияға қатысты.

Көрме алаңындағы компания жұмысы өндірістік бөлімшелердің бейінді мамандары тарапынан жалғастырылды. Олардың қатарында сенімділікті қамтамасыз ету қызметінің және бақылау-өлшеу құралдары мен автоматтандыру (КИПиА) бойынша бас метролог қызметінің мамандары бар.

Жұмыс барысында KPI өкілдері қолданыстағы серіктестердің экспозицияларымен танысып, сервистік қызмет көрсету, жабдықтарды жеткізу және қосалқы бөлшектерді өндіру салаларындағы жаңа компаниялардың ұсыныстарын зерделеді. Өндірістік процестерде қолдану мүмкіндіктерін бағалау мақсатында заманауи технологиялық шешімдер мен жабдықтарға ерекше назар аударылды.

Atyrau Oil & Gas 2026 көрмесіне қатысу KPI компаниясына кәсіби байланыстарды нығайтуға, салалық үрдістерді қадағалауға және өндірістік тиімділікті арттыруға бағытталған тиімді шешімдерді табуға мүмкіндік береді.