KPI және MAN Energy Solutions компаниясы қызмет көрсету саласындағы ынтымақтастықтың перспективаларын талқылады

• Жаңалықтар мен оқиғалар

KPI компаниясының өкілдері Германияның Оберхаузен қаласында “MAN Energy Solutions” компаниясымен екіжақты кездесу өткізді. Келіссөздер барысында тараптар KPI кәсіпорнында пайдаланылатын MAN Energy Solutions өндірісіндегі компрессорларға сатудан кейінгі қызмет көрсету саласындағы ынтымақтастықтың даму перспективаларын талқылады.

Кездесуде техникалық қолдау, сервистік қызмет көрсету, қосалқы бөлшектерді жеткізу және пайдалану процестерін оңтайландыру сияқты негізгі мәселелер қарастырылды.

«Біз компрессорлық жабдықтар саласындағы әлемдік көшбасшылардың бірі – MAN Energy Solutions компаниясымен ынтымақтастығымызды жоғары бағалаймыз. Сервистік қызмет көрсету аясындағы бірлескен жұмыс бізге өндірістің үздіксіз жұмысын қамтамасыз етіп қана қоймай, заманауи технологиялар мен озық инженерлік шешімдер арқылы жабдықтарды пайдалану тиімділігін арттыруға мүмкіндік береді», – деп атап өтті KPI ЖШС-нің бас директоры Дамир Ашимов.

“MAN Energy Solutions” компаниясымен серіктестік KPI-дің өндірістік процестерді жетілдіру және бизнестің тұрақтылығы мен тиімділігін арттыру үшін инновациялық шешімдерді енгізу стратегиясының бір бөлігі.