KPI компаниясында Ұлыстың ұлы күні – Әз-Наурыз тойланды

• Жаңалықтар мен оқиғалар

22 Наурыз
2025

 KPI газ-химия кешенінің ұжымы көктемнің жаршысы, жыл басы – Әз-Наурызды ерекше ықыласпен атап өтті.



Зауыт алдындағы ақшаңқан киіз үйлер тігіліп, молынан дастархан жайылды. Қызметкерлер Наурыз көжеден дәм татып, бір-біріне ақжарма тілектерін арнады. Ұлттық музыка әуелеп, күмбірлеген күй мен әсем ән мерекелік көңіл-күй сыйлады.



Компания басшылығы ұжымды Ұлыстың ұлы күнімен құттықтап, ынтымақ пен табыс тіледі.



– Табиғат жаңарып, жақсылық есік қаққан Наурыз мейрамы – бірлік пен берекенің символы. Бұл күн жаңа жоспарларға серпін беріп, үлкен бастамаларға жол ашады. Әр шаңыраққа қуаныш пен молшылық тілеймін! Зауыт тұрақты дамып, жетістіктеріміз еселене берсін! – деп атап өтті бас директор Дамир Ашимов.



Наурыз мейрамының ажырамас бөлігі – ұлттық ойындар. Жігіттер арқан тартыс, қол күрес, гір тасын көтеру сынды сайыстарда бақ сынап, өзара мықтыны анықтады.



 Қол күрес:

 1-орын – Есенязов Мереке

 2-орын – Құспанов Айбар

 3-орын –Орынбасар Қуаныш

 Гір тасын көтеру:

 1-орын – Орынбасаров Бағыт

 2-орын – Темиров Нұрдаулет

 3-орын – Жалғабаев Ерболат



 Арқан тартыс (командалық жарыс):

 1-орын – NKS командасы

 2-орын – ОЗХ командасы

 3-орын – Семсер өртсөндіруші командасы



Осылайша, KPI ұжымы Ұлыстың ұлы күнінде бір-біріне шынайы ізгі тілектерін білдіріп, татулық пен бірліктің жарқын үлгісін көрсетті.